Institut d'Estudis Occitans 84 - Provença Terra d'Oc/Institut d'Etudes Occitanes 84 - Provence Terre d'Oc

L'Institut d'Estudis Occitans de la Vau-clusa, Provença Terra d'Oc, es una associacion reconeiguda d'utilitat publica, que perlonga e desvelòpa dins lo despartament l'accion de l'I.E.O. nationau.

Es estat creat en 1974.

L'Institut d'Etudes Occitanes du Vaucluse, Provence Terre d'Oc, est une association reconnue d'utilité publique, qui prolonge et développe dans le département l'action de l'I.E.O. national.

Il a été créé en 1974.

ASSEMBLEE GENERALE 27-04-2024

Rendut Còmpte de l’Acamp Generau de l’IEO 84

Dau dissabte 27 d’abrieu a Aurenja

Presents : Gabrieu Simonet, Anne Bernet, Ania e Bernat Vaton, Mirelha e Joan Miquèu Alliaud, Maria Glaudia e Alan Reynaud, Jaumelina e Miquèu Arnaud , Romieg Blancon, Joan-Pau Farel, Alan Boyer, Alina Ripert, Ch. Fourniller – convidada : Audrey Dumas (regenta de l’escòla)

Poders : Florence Uslcat - Laure Badaroux – Ana Maria Vettoretti – Celha Nicolas

Excusat : Joan-Loïs Racouchot

RAPÒRT D'ACTIVITATS 2023

ACTIVITATS DE L’IEO VAU-CLUSA :

 Emissions en provençau co-animadas par l'IEO et Ben Lèu :

Enregistrada un còp per setmana dins lei locaus de Mix, radiò estudianta dau Liceu de l’Arc, Aurenja e difusada 2 còps per setmana sur 89,5 FM e sus quauqueis autrei radiòs (RTV Carpentras, Soleil FM, Friendly, Nissa Pantai, Radio Lenga d’Oc, Radio Pais, Radio Albi, Radio Occitanie)

Una autra emission mensuala sus RTV Carpentras permet de donar d’informacions sus l’actualitat de la region (ActuOc – Les nouvelles de Provence) e i avèm convidat de membres de l’Escolo dou Ventour donan seis informacions tanben.

En mai, aquesta radiò fa passar l’emission de Mix sus son site

 Entreten d’un site bilingüe et d’una pagina facebook associada (www.ieo84.com)

Es aquò subretot que nos balha de visibilitat.

 Lenga, ensenhament

Cors de lenga : assegurats un còp per setmana a Aurenja (B. Vaton, Ch. Fourniller) dins lei locaus de la Calandreta, a gratís e adreiçats tant ai parents come ais adultes d’en defòra. Lei ensenhaires de l’escòla son a chifrar sus la mesa en plaça de cors que tocarián justament lei parents

Escòlas Calandretas : Aurenja e Vauriàs

Fasèm çò que podèm per lei sostener : comprar dei libres, donar d’argent...

Lei lotòs organisats per lei doas escòlas son estats de vertadieras capitadas.

Urosament, perqué aquí tanben, lo Consèu Despartamentau vòu plus balhar d’ajuda e lo Consèu Regionau a baissat la sieuna.

 Tanben, coma cada annada en setembre, l’associacion participèt au Foròm deis associacions d’Avinhon, organisat per la Comuna

 Una activitat mensuala de cant : ataliers (a Carpentras, en còp de Ch. Fourniller) per trabalhar la polifonia dins lei cants tradicionaus. Un biais d’emplegar la lenga.

 Participacion au foncionament de l’Oustau de la Culturo Prouvençalo :

Gabriel Simonet e Florença Usclat asseguran lo liame am’aquela associacion, çò que nos permet d’accions comunas. en particulier :

Preséncia dins la Setmana de la lenga e de la cultura provençala a Avinhon en liame amé la Vila. Per aquò reçaupèm una ajuda financiera de la comuna que favorisa la mesa en plaça dei projècts.

Aquest an, l’Institut d’Estudis Occitans aviá previst :

- una conferéncia de Josiana Ubaud, lexicògrafa e etnò-botanista, dins una sala de la Comuna, a prepaus de Joan-Enric Fabre, de son òbra en provençau e de sei poèmas :

« Poésies provençales de Fabre : quand les humains sont cachés sous les plantes ».

ou La nature dans les poésies provençales de Jean-Henri Fabre

- Un balèti amé la Bande à Koustik a Montfavet, reçauput per l’associacion de C. Hugues (de l’Oustau)

- una mòstra de fotòs d’insèctes de la region (Sota la lupia de J-E. Fabre) :

En relacion amé l’anniversari de la naissença de Fabre (1823), aquesta mòstra es estada prepausada dins la Comuna d’Avinhon.  (una trentenada de fotòs d’insèctes presas per Jean-Louis Vivicorsi, afogat de natura, lo meme, autor dei fotòs d’aucèus).

Coma per l’exposicion deis aucèus, lei fotòs son estadas acompanhadas dau nom scientific en latin, en langue d’òc (doas grafias), en francés.

- un concert polifònic amé un grop de femnas « Pantai en Còr» : cants de la Mediterranèa. Fòrça monde ! La capela Sant Lois èra cofla...

 Ben-lèu :

S’entrava dei collegians e liceans qu’an chausit lo provençau. Assaja d’ajudar lei professors dins sei projècts pedagogics : compra de libres per lo CDI, explicas per organisar lo lotò...

 Enfin l'IEO Vauclusa participa au Foròm d’Oc (que recampa totei lei personas moralas que siegan associacions, collectivitats localas, administracions, entrepresas, eca. : 600 sòcis a l’ora d’ara)

S’es tengut aquest an a Avinhon, sala Benoit XII e Romieg Blancon, un dei responsables, ne’n fa lo rendut còmpte : d’interventions variadas e interessantas, una bela jornada. 

Aquí seguís una discutida sus l’ambiguïtat de la posicion dei politics e aquesta dei Felibres.

Vòte favorable

II. BILAN FINANCIER per 2023

Lo còmpte de resultat 2023 :  Se volètz mai de precisions, aguetz pas paur de lei demandar.

Vòte favorable

III. LEI PROJECTS 2024

 Perseguida deis accions de fons :

* Cors de lenga per adultes (seguida a l’escòla Calandreta d'Aurenja e projèct deis ensenhaires)

* emissions de radiò (a Aurenja e Carpentras) que favorisan la socialisacion de la lenga, avèm dins l’emission de Radio Territoire Ventoux

Setmana Provençala a Avinhon : dau 28 de setembre au 6 d’octòbre

Avèm previst :

1. Conferéncia :

Una conferéncia a prepaus de F. Mistral, que se festeja aquest an, per Felip Martel, istorian, Professor onorari d’occitan à l’universitat Paul Valéry de Montpellier, agrejat d’istòria, especialiste de l'istòria deis espacis de lenga d’Oc.

(autor de l’obratge : les Félibres et leur temps, Renaissance d’Oc et opinion – 1950-1914 – Presses Universitaires de Bordeaux, 2010)

Luòc : una sala municipala

2. Spectacle pour enfants

60 mn environ

Un conte musicau interactiu bilinguë Provençau/Frances realisat, jogat e cantat per Liza. Segon l’ajuda de la Comuna, serà "Gripeton e Tartugueta" ò "Gripeton e lei sasons". Lo premier es per lei mai grands (6-12 ans) l’autre per lei pichòts.

Luòc : belèu la mediateca Ceccano (apres rescòntre amé lo director novèu)

3. Exposicion : La Provença de Mistral

Aquesta mòstra (realisada per lo CIRDOC) fa lo ponch sus la vida e l’òbra de F. Mistral, dau locau a l’universau.

Prepausada en occitan, en grafia mistralenca e en grafia classica, presenta, en meme temps que lei contenguts de descuberta, quauquei mòts de vocabulari en bas dei panèus, ne’n fasent un supòrt pedagogic disponible per lo public e leis ensenhaires.

Un ensems de fiquas en format A4, una per panèu, es tanben prepausat per ajudar lei non-occitanofòns dins sa descuberta de F. Mistral.

Luòc: belèu la Mediateca Ceccano

Proposicions e demandas :

 Aquest an avèm rescontrat (au nom de Ben-Lèu) lo provisor dau Licèu de l’Arc, siam estats fòrça ben reçauputs, especialament per la respònsabla dau CDI, dòna Ambroggio, que fuguèt d’accòrdi per reçaupre la mòstra sus leis insèctes ; puei nos ajudèt a l’instalar e la levar.

Nos prepausèt de reçaupre tanben la mòstra sus leis aucèus.

 4 expausicions son de faire circular (Calandreta, Collègi e Licèu, Centre culturau provençau de Sault...) : una sus leis insèctes, una sus leis aucèus, una sus l’environament (que fuguèt presentada a l’Universitat de Nîmes), una compausada de dessenhs umoristics de B. Vaton imaginats pendent lo confinament.

Se pensatz a un endrech possible, nos lo faire saupre au 04 90 67 16 90 ò per mèl : ieo84@neuf.fr

 Libres per enfants : Provença manca totjorn de libres en provençau per leis enfants de Calandreta. Siam en cerca de traductors (numerò e mèl aquí-sus).

 Per la visibilitat de la lenga, Ania Vaton prepausa de faire la sinhaletica en provençau deis aubres (una partida au mens) presents sus un tròç de la Via Venaissia (pista per lei pedons e lei ciclistas) e dau menut dau restaurant de Jonquiera (l’anciana gara) . D’alhors aquò se podriá propausar a totei lei restaurants. Decidèm qu’una jornada serà presa per s’entravar de començar lo trabalh (lo 15 de junh). Totei lei bònei volontats son benvengudas.

Vòte favorable

 

V. Eleccion dau Consèu d’Administracion

Adesions : 30 e (individuau) – 38  (cople)

Membres : Gabriel Simonet, Romieg Blancon, Jean-Paul Farel, Alain Boyer, Cécile Nicolas, Bernard Vaton, Chantal Fourniller.

Lei membres dau burèu son lei memes :

President : Gabriel Simonet

Clavaire : Bernard Vaton

Secretària : Chantal Fourniller

RADIO

RADIO : Podètz escotar l'emission en provençau e frances enregistrada per l'associacion Ben Lèu sur Mix, radiò estudianta dau Licèu de l'Arc (89.5) : "As ben parlat, mai... de qu'as dich ?"   (cf dins lo menut "Activitats" : radiò)

Aquesta emission es tanben difusida per d'autrei radiòs (RTV Carpentras...). Ne'n siam a  mai de 300 emissions

D'un autre costat, la mema còla es  un còp per mes sus l'antena de RTV Carpentras (102.2), de cotria amé l'Escolo dóu Ventour, per l'emission ActuOc, que presenta leis actualitats dau mes, un grop de musica e rend còmpte dei sortidas de libres, CD...

Vous pouvez écouter l'émission en provençal et français enregistrée par l'association Ben Lèu sur Mix, radio étudiante du Lycée de l'Arc (89.5) : "As ben parlat, mai... de qu'as dich ?"   (voir dans le menu "Activités" : radio)

Cette émission est également diffusée par d'autres radios (RTV Carpentras...). Nous avons dépassé les 300 émissions

D'autre part, la même équipe est une fois par mois sur l'antenne de RTV Carpentras (web radio à l'heure actuelle), avec la collaboration de l'Escolo dou Ventour, pour l'émission ActuOc, qui présente les actualités du mois, un groupe de musique et rend compte des sorties de livres, CD...

Mòstras de prestar

Avèm de prestar 2 mòstras :

una sus leis insèctes

una sus leis aucèus

Veire lei detalhs a la pagina : accions

Nous avons deux expositions à prêter :

une sur les insectes (ci-contre : CDI du Lycée de l'Arc- Orange)

une sur les oiseaux

Voir les détails à la page : actions

Expocdi
Expocdi2

SERVICE DE LA LANGUE :

Si besoin, nous pouvons vous aider à trouver la traduction d'un mot, d'une expression..

Il faut simplement nous joindre grâce au formulaire de contact en précisant bien votre demande.